الثلاثاء، 3 يونيو، 2008

انا جيت بس متخفوش همشى علطول

انا اولا روينا (خاله يحيى ) لا متفرحوش ومتحلموش انى هكتب هنا
انا اساسا مش فاضيه للعب العيال بتاع يحيى ويمنى انا ورايا حجات اهم بكتير
طبعا ورايا مدونتى وورايا مذكرتى
طيب انتم اكيد عايزين تعرفو انا جيت هنا ليه ولقيت وقت ازاى
عشان
عشان
ابشركم وفرحكم
ان ام يحيى مش هتقعد على النت الفتره الجايه خالص
يااااااه اخيرا حلم عمرى بدا يتحقق
وهقعد برحتى ومفيش حد يقول لى انتى قعدتى اكتر من الساعه بتعتك و هتنقشع الغمه
هقول لكم الحكايه من الاول بس هحاول انزل من مستوى الراقى بتاعى فى الكتابه
وهحاول اعسرعلى نفسى لمونه واكتب بطريقه ام يحيى عشان انا فى مدونتها بس

اهلا بكم
مممممممم
انتظرو قليلا لانى اسمع صوت عواء ياتى من حجره الجلوس
عفوا تاخرت عليكم
ولكن طبعا تعرفون عندما يتخانق الاخوه مع بعضهم
وخاصه يحيى
فهو الان يمر بفتره عصيبه
ومريبه
انها فتره المراهقه
اسمع احد المتشككين يقول لى ان المراهقه ليس من سن 8سنين
اقول له لا ايها المتزحلق المتشكك
لايابابا ابنى ملوش زى
عفوا
يبدو انى بكتب بطريقه شخص ما
لا ادرى دايما اخرج من الموضوع
انه تداعى الافكار
الموضوع انى هعيد السنه لو مذكرتش تمام
وطبعا لا يرضيكم ان اكون طبيبه فاشلللللللللله
فقررت انا ام يحيى اذا قعدت على النت اى جلست
اكثر من عشر دقائق فى اليوم
ان ادفع عشره جنيهات وطبعا تدرون ما هى العشره جنيه
وصيام عشر ايام حتى ينقشع الظلام الدامس واعرف المواد بتتكلم عن ايه
لا تنسونى يا اخوانى فى دعائكم
سلام

مع السلامه انا كمان وكفايه كده بدال ما ام يجيى تيجى تقطعنى
بس انتهز فرصه انى موجوده هنا واقول لكم
تعالو زرونا ولو فى الساعه مره
مدونه فتاه الاندلس
المعروفه ب روينا